Paththarawala Wisthara Wala (Kukku Kook Ku)

කුක් කූ කූක් කූ කුකුළා හඬනවා කුරුළු කොබෙයියෝ ගීත ගයනවා නිහැඬියාව දැන් හිමින් මැකෙනවා දෙගිඩියාවකින් අපි දිනක් ලබනවා (පත්තරවල විස්තර ගොඩ ඇස් ඇරගෙන තප්පරයට අපි කියවනවා පිත්තලවල රත්කරගෙන දුක් කරදර පැක් කරගෙන දවස ගෙවනවා).. වැටක් ගානේ ගෙයක් ගානේ ගමක් ගානේ ලෙඩ මුල් පිටුවේ පුරවලා කෑම ජාති බීම ජාති බෙහෙත් ජාති හිස්තැන් වලට රිංගලා කාර් සේල් ඉඩම් සේල් මෙෂින් සේල් අන්තිම පිටුවෙ තෙරපිලා වීර විකුම් මාර කියුම් මැද පිටුවෙන් රජ පුටු වලට වෙන් වෙලා කුක් කූ කූක් කූ.... අනඟ රැඟුම් සරණ බැඳුම් සිතුම් පැතුම් වෙනමම පිටක ලියවිලා කවි පබැඳුම් බිතු සිතුවම් කලා කෙරුම් පිටුවක සිත පහන් කළා යන්තරයෙන් මන්තරයෙන් ශුස්තරෙන් කැඩිච්ච දෙපළ එක් කළා ඔයින් මෙයින් දින ගෙවමින් සිහි විකලෙන් මිනිසුන් අතරමං වෙලා කුක් කූ කූක් කූ.... (පත්තරවල විස්තර ගොඩ ඇස් ඇරගෙන තප්පරයට අපි කියවනවා පිත්තලවල රත්කරගෙන දුක් කරදර පැක් කරගෙන දවස ගෙවනවා).. /