Sulangak Wee Man Yanawa

සුළඟක් වී මං යනවා දුර අහසේ ඇවිදින්නට අප්පච්චි කොහොමද.. මං අල්ලන්නේ..... අහසක් සේ දූ යන මඟ පුළුන් වළා අතුරනවා එහෙමයි මගෙ දොණී.... මං රැක ගන්නේ පණ වාගෙයි මගෙ දූ.... මං රැක ගන්නේ මහ ගං වතුරක් වීලා හරි වේගෙන් මං ගලනවා ලොකු ගස් වැල් කඳු වැටි හෙම උදුරා පොළොවට දමනවා අප්පච්චි කොහොමද.. මං වළකන්නේ මං මහා මුහුදක් වෙනවා දූ එනතුරු තනි රකිනවා ආදරයෙන් මඟ බලනවා තුරුලට ගෙන සනසවනවා මං ළඟ නොවැ දූ සැමදා සැනසෙන්නේ මං බොරු තරහක් ගන්නවා ඇස් රතු වෙනකල් අඬනවා තුරුලට අ‍රගෙන හිටියත් නැලවෙන්නැතුවම ඉන්නවා අප්පච්චී කොහොමද.. මං නලවන්නේ දුවටත් වැඩියෙන් හයියෙන් එතකොට නම් මට ඇඩෙනවා දූගේ කඳුලු මං ගන්නවා දූ නැලවෙන කල් අඬනවා මං ඇඬුවම දූ නොවැ මා නළවන්නේ සුළඟක් වී මං යනවා දුර අහ‍සේ ඇවිදින්නට අප්පච්චී කොහොමද මං අල්ලන්නනේ.. අහසක් සේ දූ යන මඟ පුළුන් වළා අතුරනවා එහෙමයි මගෙ දොණී.... මං රැක ගන්නේ පණ වාගෙයි මගෙ දූ.... මං රැක ගන්නේ