Kaluma Kalu Katta Kalu

කළුම කළු කට්ට කළු ලිපේ තියෙන දැලි අඟුරු අහසේ පාවෙන කළු වැහි වලාකුළු වත්තේ වැඩ කරන කොලු නමත් කළු හමත් කළු කළුවර මාසේ පෝය දවස වගේලු... සුදු වෙන්නට ආස කළු දෙතුන් වරක් නානවලු අක්කිගෙ සබන් පියරු ටික ඉවරයිලු කෝපි බිව්ව නිසයි කළු පණ්ඩිතයෙක් පැවසුවලු ඉන්පසු කෝපි බීම අත්හැරියාලු... හෝ හෝ මට තේරෙනවා කිරි බිව්වොත් සුදු වෙනවා මඩුවේ වැස්සිගේ කිරි ටික අඩු වෙනවා ඉරට අව්වට කළු වෙනවා සෙවණ තැන් සොයා යනවා සුදු ළමයින් දැක්කම කළුට ඇඬේනවා... සුදු පාටයි කළු පාටයි පාට දෙකක් බව ඇත්තයි පිරිසිදු ලෙස සිටීම ලොකු සම්පතයි සුදු වුනාට කළු වුනාට කාගෙත් ලේ රතු පාටයි පාටක් ගැන තැවෙන්නේ නූගත් කමටයි...